Абель Санчес Геннадий Головкиннің рингке қашан шығатынын айтты

Орта салмақтағы WBA (Super), IBO, WBC (Interim) және IBF нұсқаларының чемпионы қазақстандық боксшы Геннадий Головкиннің бапкері Абель Санчес шәкіртін болжаммен 2016 жылдың ақпан айында шаршы алаңға шығатынын айтты. «Мен Геннадий Головкиннің шаршы алаңға келесі жылдың ақпан айында шыққанын қалап отырмын. Әрине, оған М.Котто немесе С.Альварес, сондай-ақ, тағы басқа боксшылар қарсы болмаса», - дейді А.Санчес. Айта кетейік, Мигель Котто мен Сауль «Канело» Альварес 21 қараша күні АҚШ-тың Лас-Вегас қаласында WBC нұсқасы үшін жекпе-жекке шығады. Осы екі боксшының жеңгені отандасымыз Геннадий Головкиннің келесі қарсыласы атануы мүмкін.