Сауль Альварес Геннадий Головкинмен жекпе-жекке шығуға дайын екенін мәлімдеді

Мексика боксшысы Сауль Канело Альварес Геннадий Головкинмен жекпе-жекке шығуға дайын екенін мәлімдеді. «Мен Г.Головкинмен жұдырықтасуға дайынмын. Бірақ, қазір М.Коттомен жекпе-жекке шығуға дайындалып жүрмін. Кез-келген боксшымен жұдырықтасуға әзірмін. Ешкімнен қашпаймын және қорықпаймын. Егер, Геннадий Головкин менімен жұдырықтасқысы келсе, 155 фунтқа дейін төмендесін, сонда мен онымен өзі қалаған күні айқасамын. Бәлкім, бір немесе екі жылдан кейін 160 фунт салмаққа шығатын шығармын, бірақ, әзірше өз салмағымда қаламын. Салмақ қосу немесе азайту ойымда жоқ. Г.Головкин сияқты боксшымен қуана бокстасамын. Ол – өте күшті боксшы, менің ойымша бұл жекпе-жек тамаша өтеді», - дейді Сауль Альварес