Антон Пинчук Кличко-Фьюри жекпе-жегі аясында шаршы алаңға шығады

Қазақстандық боксшы Антон Пинчук германиялық Дэвид Графпен суперауыр салмақтағы WBA/IBF/WBO/IBO тұжырымдары бойынша Әлем чемпионы атағы үшін өтетін украиналық Владимир Кличко мен британиялық Тайсон Фьюри арасындағы жекпе-жек аясында жұдырықтасады. Антон Пинчук пен Дэвид Граф арасындағы жекпе-жек Олимпиада ойындарына жолдама беруші AIBA Pro Boxing жобасы аясында 91 келі салмақта өтеді. AIBA президенті Чинг-Куо Вудың айтуынша бұл 40 000 жанкүйерлер алдында боксшылар өздерінің күштілігін дәлелдеуге тамаша мүмкіндк, дейді. Владимир Кличко мен Тайсон Фьюри жекпе-жегі 28 қарашада Германияның Дюссельдорфе қаласында өтеді. Еске сала кетейік, AIBA Pro Boxing жобасы арқылы 49 келідегі Біржан Жақып пен 60 келідегі Берік Әбдірахманов Рио Олимпиадасына жолдама алған.