Геннадий Головкин – Сауль Альварес жекпе-жегі 2016 жылдың ең тартысты айқасы болмақ

Геннадий Головкин - Сауль Альварес арасында болуы мүмкін жекпе-жек 2016 жылдың ең тартысты айқасы болады, деп жазады америкалық Badlefthook.com сайты. «Сауль Альварес Мигель Коттоны жеңген кезде өзінің мықтылығын дәлелдей алды, бірақ, оның Геннадий Головкинмен айқасуға әзірмін деген сөзіне қарамастан, «Golden Boy» тарапынан бұл айқасты ұйымдастыруға келгенде аздап батылсыздығы байқалды. С.Альварес 7 мамырда айқас алаңына шығуы тиіс, бұл күні Геннадий Головкинмен жекпе-жек ұйымдастырса, керемет болар еді. Сауль Альварестің промоутері Оскар Де Ла Хоя өзінің басты жұлдызын қорғағысы келетіні де жасырын емес. Альваресті толыққанды 160 фунтта жұдырықтасқанын көру керемет болар еді. Өзім аралық санат мәселесі бойынша аса алаңдамаймын, алайда идеалда орташа салмақтағы чемпиондық осы санат бойынша анықталуы тиіс, бұл адамдардың шағымын да азайтар еді. Бокста шағымданатындай жағдайлар онсыз де жетіп асады, - деп жазды Badlefthook.com сайты.