Қанат Ислам келесі жекпе-жегін Қытайда өткізуі мүмкін

Қазақстандық кәсіпқой боксшы Қанат Ислам 2016 жылдың қаңтар айында Қытайда жекпе-жек өткізуі мүмкін. Спортшының айтуынша, тараптар келісімге қол қоюға жақын. «Келесі айда Қытайда жекпе -жек өтеді. Бұйырса,10-15 күн ішінде барлық мәселелер шешіледі. Бокс кешін ұйымдастыруды желтоқсан айында жоспарладық, бірақ, кейбір себептермен процес кешіктірілді», - дейді Қанат Ислам. Сондай-ақ, Қанат Ислам Қазақстанда жекпе-жек өткізу ойда бар екенін айтады. «Алдағы уақытта чемпиондық белбеу үшін жекпе-жек өткізу жоспарда бар. Сол чемпиондық белбеуге дейін Қазақстанда бір жекпе-жек өткізуім мүмкін. Бірақ, ол келесі жылдың екінші жартысында болады», - деді боксшы.