Мадияр Әшкеев кәсіпқой рингтегі алғашқы жекпе-жегінде жеңіске жетті

АҚШ-тың Грендэйл қаласында 27 жастағы қазақстандық боксшы Мадияр Әшкеев кәсіпқой рингтегі алғашқы жекпе-жегін өткізді. Жерлесіміз 4-раундтық кездесуде АҚШ спортшысы Тэворис Тиджбен қолғап түйістірді. Жекпе-жектің басынан бастап басымдыққа ие болған М.Әшкеев қарсыласын комбинациялық шабуылдардың астына алса, Т.Тиджб тек қорғаныста болды. Осылайша жекпе-жектің 2-ші раундында америкалық боксшының бапкерлері кездесуді жалғастырудан бас тартты. Бұл қазақстандық боксшы Мадияр Әшкеевтің кәсіпқой рингтегі алғашқы жеңісі.