Геннадий Головкин Әлем чемпионы атағын 16-шы рет қорғай ала ма?

WBA (Super), IBO, WBC (Interim) және IBF нұсқалары бойынша орта салмақтағы Әлем чемпионы, қазақстандық Геннадий Головкин (34-0, 31 КО) 23 сәуір күні (Астана уақытымен 24 сәуір) америкалық боксшы Доминик Уэйдке (18-0, 12 КО) қарсы жекпе-жекке шығады. Г.Головкин Д.Уэйдке қарсы жекпе-жекте WBA (Super) белбеуін 16- шы рет қорғайды. Ол бұл белбеуді колумбиялық Милтон Нунезге қарсы өткізген 19-шы кездесуінде жеңіп алған. Сондай-ақ, ол IBO белбеуін 13-ші, WBC белбеуін 4-ші және IBF белбеуін 1-ші рет қорғамақ. Айта кетейік, жекпе-жекті 24 сәуірде 07:00-ден бастап «Қазақстан» Ұлттық телеарнасы мен kaztrk.kz сайты тікелей эфирде көрсетеді. Сонымен қатар, кездесуді «Қазмедиа Орталығының» лэд-экрандарынан тамашалай аласыздар. Сондай-ақ, «Қазақстан» Ұлттық телеарнасы жанкүйерлер арасында екі Samsung Galaxy A3 смартфонын ойнатуда. Байқаудың шарттары Kaztrk.kz сайтында.