WBC белдігінде Қазақстан туы пайда болады

Бокс әлеміндегі шолушы Григорий Стангрит өзінің твиттерінде WBC белдігінде Қазақстан туы пайда болатынын жазды. «Оқырмандардың бастамасымен Маурисио Сулейманнан WBC белдігінде Қазақстан байрағының болатыны не болмайтыны жайлы сұрадым. Ол белдіктің жаңа дизайнында қазақстандық ту пайда болатынын айтты», - делінген хабарламада. Еске сала кетейік, мексикалық Сауль Канело Альварес Г.Головкинмен кездесуден бас тартқан соң, белдік Геннадий Головкиннің иелігіне өтті.