Бранденбург Кубогінде қазақстандық боксшылар 4 алтын медаль иеленді

Бокстан жастар арасында Франкфурт-на-Одереде өткен Бранденбург Кубогінде 9 қазақстандық спортшы бақ сынады. Нәтижесінде төрт боксшымыз алтын медаль жеңіп алды: 49 келіде Рустам Хамидов, 52 келіде Айдос Арапов, 75 келіде Бек Нұрмағамбет және 81 келіде жұдырықтасатын Бекзат Нұрдәулетов. Сонымен қатар, жастар құрамасы 3 күміс және екі қола жүлде иеленді. Осылайша жалпыкомандалық есепте қазақстандық боксшылар екінші орынға тұрақтады. Өз кезегінде 5 алтын медаль иеленген Ресей құрамасы көш бастаса, үздік үштікті Германия командасы түйіндеді (1 алтын).