Иван Дычконың кәсіпқой рингтегі бірінші қарсыласы анықталды

Ауыр салмақта өнер көрсететін қазақстандық боксшы Иван Дычконың кәсіпқой бокс мансабындағы алғашқы қарсыласы анықталды.
27 жастағы Дычко өзінің бірінші жекпе-жегін 29 қыркүйекте Далласта өткізеді. Оның қарсыласы 34 жастағы америкалық Эйбур Райт. Ол үш жекпе-жек өткізіп, екеуінде жеңіп, біреуінде жеңіліс тапқан. 

Еске салайық, ағымдағы жылдың маусым айында Дычко америкалық The Heavyweight Factory компаниясымен келісімшартқа отырған еді.