Альварес ісі ушығып барады. Соңғы нүкте сәуір айында қойылады
HBO телеарнасының комментаторы Макс Келлерман мексикалық боксшы Сауль "Канело" Альварестің (49-1-2, 34 КО) орта салмақтағы WBA (Super), IBO, WBC және IBF тұжырымдары бойынша әлем чемпионы Геннадий Головкинге (37-0-1, 33 КО) қарсы кездесудің алдында допингпен ұсталған ісінің қалай аяқталуы мүмкін екенін айтты.
Бұған дейін Невада штатының Атлеттер комиссиясы Альварестің екі допинг-сынағы оң болғанына байланысты уақытша жекпе-жектерден шеттеткен болатын. Оның қанында кленбутерол дәрумені табылған еді. Мексикалық боксшының ісіне 10-сәуір күні нүкте қойылмақ. Ал Головкинмен екінші кездесу 5-мамырға жоспарланып отыр.
Келлерманның айтуынша, Альварестің ісін тыңдау барысындағы негізгі фактор оның қанындағы кленбутерол дәруменінің көрсеткіші болмақ.
