Билли Джо Сондерс: Мені тек Головкинмен болатын жекпе-жек қызықтырады
WBO тұжырымы бойынша орта салмақтағы әлем чемпионы Билли Джо Сондерс Геннадий Головкиннен басқа ешқандай жекпе-жектің қызықтырмайтынын айтты.
Орта салмақтағы үздік боксшылардың бірі Билли Джо Сондерс WBC, WBA Super, IBF, IBO тұжырымдары бойынша орта салмақтағы әлем чемпионы Геннадий Головкинмен (37-0-1, 33 КО) ғана жұдырықтасқысы келетінін айтты.
«Мені тек Головкинмен болатын жекпе-жек қызықтырады. Одан басқа ешқандай қарсыластар қызық емес. GGG-мен жұдырықтасқым келеді. Ол да менімен кездескісі келетінін айтып, барлық чемпиондық белбеуді иеленгісі келетінін айтқан. Менде дәл солай болғанын қалаймын. Бұл жекпе-жекке сақадай саймын» , — деді Билли.
Айта кетейік, Билли Джо Сондерс 23 маусым күні Мартин Мюррейге қарсы жекпе-жек өткізеді. Ал Головкиннің 5 мамыр күні өткізетін жекпе-жегі болмай қалуы мүмкін.
