«Astana Arlans» жартылай финалда британдық клубпен кездеседі

Лозаннадағы (Швейцария) WSB штаб-пәтерінде Бүкіл Әлемдік бокс сериясының жартылай финалдық жұптары анықталды.

Бірінші жартылай финалдық жұпта Бүкіл Әлемдік бокс сериясының үш дүркін жеңімпаздары «Astana Arlans» командасы британдық «British Lionhearts» командасымен финалдық бәсекенің жолдамасын сарапқа салатын болады.

Ал, екінші жұпта аталмыш турнирдің ең үздік клубтарының бірі кубалық «Cuba Domadores» француздың «France Fighting Roosters» командасымен кездеседі.

Жартылай финалдың алғашқы кездесуін қазақстандық клуб 17 мамыр күні сырт алаңла Шеффилд қаласында өткізеді. Ал, қарымта кездесу 26 мамыр күні Атырау қаласына жоспарланған