Ресми: Бейбіт Шүменов Астанада титулды жекпе-жек өткізеді

WBA тұжырымы бойынша жартылай ауыр және бірінші ауыр салмақтарда әлемнің экс-чемпионы Бейбіт Шүменов рингке 7 шілдеде Астанадағы бокс кешінде оралады.

Отандасымыз WBA тұжырымы бойынша бірінші ауыр салмақтағы әлем чемпионы титулын сарапқа салады. Қазақстандық боксшының қарсыласы неміс боксшысы Хизни Алтынкая. Хизни Алтынкая кәсіпқой бокста 31 жекпе-жек өткізіп, тек біреуінде ғана жеңілген.

Сондай-ақ, аталмыш бокс кешінде  Айдос Ербосынұлы, Садриддин Аxметов, Нұрзат Сабыров, Айдын Елжанов, Әлиxан Бисенқұлов сынды боксшылар жекпе-жек өткізеді.