Қазақстандық кәсіпқой боксшы IBF белбеуіне ие болды

Бірінші орта салмақта өнер көрсететін қазақстандық кәсіпқой боксшы Бақтияр Эюбов он төртінші жекпе-жегінде чемпион атанды. 

31 жасар отандасымыздың қарсыласы IBF белбеуінің иегері америкалық Николас Гивэн болды. Ол кәсіпқой рингте 21 кездесу өткізген. 

Бокс кеші 10 раундқа жоспарланғанымен жерлесіміз қарсыласын жетінші раундта техникалық нокаутпен жеңді. 

Осылайша қазақстандық боксшы IBF тұжырымдамасы бойыншы аймақтық белбеудің иегері болды.