Мейірім Нұрсұлтанов мексикалық қарсыласын техникалық нокаутпен жеңді

Қазақстандық кәсіпқой боксшы Мейірім Нұрсұлтанов (7-0, 6 КО) кәсіпқой бокстағы кезекті жекпе-жегін жеңіспен аяқтады.

Мейірім Нұрсұлтанов Лос-Анджелес қаласында мексикалық боксшы Хосуэ Обандомен (16-20-1, 12 КО) жұдырықтасқан болатын. Отандасымыз қарсыласын алтыншы раундта техникалық нокаутпен жеңді. Олар  Вирджил Ортис пен Хуан Сальгадо арасындағы бокс кешінің андеркартында өнер көрсетті.

Қос боксшының арасындағы төбелесті «QAZSPORT» телеарнасы тікелей эфирде көрсетті.