Фируза Шарипова Испаниялық Мириам Гутьерреспен жұдырықтасады

WIBA, WBU, IBO Championship және WBC Silver бойынша екі түрлі салмақ категориясында бақ сынасатын Фируза Шарипова 4 тамыз күні Ресейдің Санкт-Петербург қаласындағы M-1 аренасында өтеді. Бұл туралы Шарипованың менеджері Сергей Завилейский мәлімдеді.

«Біз M-1 аренаны таңдадық. Жекпе-жекке арналған жаңа спорт алаңы талаптарға толық жауап береді. Біз трибунадағы жанкүйерлер, сонымен қатар, телекөрермендер үшін үлкен шоу жасауға тырысудамыз. Жекпе-жектің трансляциясына әлемнің түкпір-түкпірінен өтініш түсіп жатыр. Бокс кеші 100-ден аса елде тікелей эфирде көрсетіледі. Фируза –әлемга танымал, оның шайқасын барлығы күтуде», – деді Шарипованың менеджері.

Өз кезегінде Фирузаның қарсыласы – М.Гутьеррес Испания чемпионы, Әлем және Еуропа чемпионатының жүлдегері. Кәсіби бокста 7 рет жұдырықтасқан. Жеті жекпе-жекте де жеңіс тұғырына көтерілген. Оның 3-де қарсыласын уақытына жетпей тізе бүктірген.