Головкин - Альварес жекпе-жегін «Qazaqstan» және «Qazsport» телеарналары тікелей эфирде көрсетеді
15 қыркүйекте Лас-Вегаста (АҚШ, Невада) орта салмақтағы WBA (Super), IBO және WBC тұжырымдары бойынша Әлем чемпионы, қазақстандық кәсіпқой боксшы Геннадий Головкин (39-0, 34 КО) мен мексикалық Сауль «Канело» Альварес ((49-1-2-34 КО) арасында жекпе-жек өтеді. Отандасымыздың жекпе-жегін «Qazaqstan» және «Qazsport» телеарналары тікелей эфирде көрсетеді.
Айта кетейік, Сауль «Канело» Альвареске қарсы жекпе-жекте Геннадий Головкин орта салмақ дәрежесіндегі WBA (Super) және IBO чемпиондық атақтарын қорғайды. Сондай-ақ, мексикалық «The Ring» журналының белбеуін бәске тігеді.
Бірде-бір рет жеңіліп көрмеген Геннадий Головкин шаршы алаңда 39 жекпе-жек өткізіп, 34-ін нокаутпен, біреуін тең аяқтаған.
«Қазақстан» корпорациясы Геннадий Головкиннің барлық жекпе-жектерін тұрақты түрде көрсетіп келеді. Осы күнге дейін «Qazaqstan» және «Qazsport» телеарналары Қазақстан аумағында 10-нан астам жекпе- жегін тікелей эфирде көрсетті.
Жылдың басты жекпе-жегін 16 қыркүйекте «Qazaqstan» және «Qazsport» телеарналарының тікелей эфирінде көре аласыздар!
Еске сала кетейік, аталмыш жекпе-жекті «Qazaqstan TV» мобильдік қосымшасы арқылы да тамашалай аласыздар. Қосымшаны AppStore және Google Play сервистерінен тегін жүктеп алыңыз.
