Сауль Альвареспен өтетін жекпе-жек Головкин үшін ең соңғысы емес
«Головкин боксты сүйетін адам. Ол үшін «Канеломен» болатын кездесу мансабындағы ең маңызды әрі соңғы деп айту дұрыс емес. Головкин жеңістер мен жаңа белестерді бағындыруға әлі де құштар. Альварестен соң, мүмкін Билли Джо Сондерс болар. Геннадий дивизиондағы барлық белбеулерді біріктіргісі келеді. Одан соң Риота Мурата да керемет қарсылас, Сергей Деревянченкомен де кездесуді жоққа шығармаймыз. Ең бастысы алдағы жекпе-жекте Головкин бокс тарихындағы чемпиондық атақты қорғау рекордын орнатқысы келеді»,- дейді қазақстандықтың менеджері Том Леффлер.
Естеріңізге сала кетейік, бокс тарихындағы чемпиондық атақты қорғау бойынша рекорд Бернард Хопкинс пен Геннадий Головкиннің еншісінде. Екеуінде де 20 чемпиондық қорғау.
Геннадий Головкин – Сауль Альварес арасындағы қарымта кездесу 16 қыркүйек күні өтеді. Аталған жекпе-жекті «QAZAQSTAN» және «QAZSPORT» арналары тікелей эфирде көрсетеді.
