Жәнібек Әлімханұлы АҚШ-тағы алғашқы жекпе-жегіне дайындық үстінде

Қазақстандық кәсіпқой боксшы Жәнібек Әлімханұлы (2 -0 1КО) 28 қыркүйек күні АҚШ-тағы алғашқы кездесуін өткізеді. Оның қарсыласы кәсіпқой бокста  24 жекпе-жек өткізіп, 16-ын жеңген колумбиялық Карлос Галван.

Бұл Жәнібектің  Top Rank промоутерлік компаниясымен келісім-шартқа отырғаннан кейінгі алғашқы жекпе-жегі болмақ. Отандасымыз қазіргі таңда әйгілі америкалық жаттықтырушы Бадди МакГирттің қол астында дайындық үстінде. Бадди МакГирт кезінде Майк Тайсонды жаттықтырған тәжірибелі маман.