«Астана» сырт алаңда «Спортингпен» тең түсті
УЕФА Еуропа Лигасы аясындағы 1/16 финалдық кезеңінің қарымта кездесуінде елордалық «Астана» лиссабондық «Спортингпен» тең түсті.
Матч басталған сәттен Жоже Жезуш шәкірттері Эрич қақпасына лап қойды. Ойынның 3-минутында алаң иелері сапынан Бас Дост есеп ашса, 37-минутта Марин Томасов есепті теңестірді. Екінші таймда да лиссабондық клубтың шабулдары толастамады. Фернандештің қос голынан соң Станимир Стойлов шәкірттері ес жиып, 80-ші және 94-ші минутта Твумаси мен Шомко салған голдардың арқасында қос команда тең тарқасты. Қорытынды есеп 3:3. «Астана Арена» стадионындағы жеңісінің арқасында «Спортинг» келесі кезеңге өтті.
фото: fca.kz
