IBF Геннадий Головкинді чемпиондық белбеуінен айыру туралы шешімге келді

Халықаралық бокс федерациясы (IBF) қазақстандық боксшы Геннадий Головкинді  (38-0-1, 34 КО) чемпиондық белбеуінен айыру туралы шешімге келді.

22 мамыр күні Геннадий Головкин мен IBF бойынша міндетті қарсыласы Сергей Деревянченко (12-0, 10 КО) тараптары кездесіп, белдікті міндетті қорғау уақытын кейінге шегеруге байланысты келіссөздер жүргізген болатын. Халықаралық федерация қос боксшы арасындағы жекпе-жекті үшінші тамызға дейін өткізу керектігін міндеттеген еді.

Естеріңізге сала кетейік, отандасымыз мексикалық Сауль Альвареспен (49-1-2, 34 КО) қарымта кездесуді өткізуді жоспарлаған болатын. Бірақ қаржылық келіспеушіліктерге байланысты бұл жекпе-жек болмауы мүмкін. Сонымен қатар, жерлесіміз WBO тұжырымдамасының чемпионы Билли Джо Сондерспен (26-0, 12 КО) шаршы алаңға шығуы мүмкін.