«Барыс» ҚХЛ плей-офф кезеңіне жолдама алды

Елордалық «Барыс» ҚХЛ аясында уфалық «Салават Юлаев» командасын қабылдап, овертаймда жеңіске жетті. Ойындағы жалғыз шайбаны 64-ші минутта Патрис Кормье соқты.

Осы жеңісінен кейін астаналық клуб Шығыс конференциясында 69 ұпай жинап, плей-офф кезеңіне жолдама алған бесінші команда болды. Бұған дейін «Автомобилист», «Ак Барс», «Авангард» және «Метталург» ұпай сандары бойынша келесі кезеңге шығып қойған еді. Ал Батыс конференциясында уақытынан бұрын плей-офф кезеңіне мәскеулік ЦСКА мен Санкт-Петербургтың СКА командалары жолдама алып қойды.

Фото: «Барыс» ХК