Федерация кубогы: ІІ Әлемдік топтың плей-офф кезеңінде Қазақстан Ұлыбритания құрамасымен ойнайды

Теннистен федерация кубогы ІІ Әлемдік топтың плей-офф кезеңінде бақ сынайтын қазақстандық теннисші қыздардың қарсыласы анықталды. Бұл туралы Ұлттық Олимпиада комитеті хабарлады. Қарсылас - Ұлыбритания құрамасы. Матч сәуір айына жоспарланған.  

Еске сала кетейік, бұл кезеңге жолдаманы Қазақстан құрамасы Астанада өткен Азиялық квалификация аясында жеңіп алған болатын. Алдымен, біздің теннисшілер В тобын ұтып, Таиланд пен Үндістанды оңай басып озды. Плей-офф кезеңіне жолдама беретін кездесуде Қытай құрамасын жеңді. Ал, Ұлыбритания құрамасы шешуші кездесуде Сербия құрамасын жеңген болатын.

Фото: olympic.kz