Мейірім Нұрсұлтанов кәсіпқой бокстағы 11-ші жеңісіне жетті

Қазақстандық кәсіпқой боксшы, NABF тұжырымдамасының чемпионы Мейірім Нұрсұлтанов Голливудта өзінің 11-ші жекпе-жегін өткізіп, жеңіске жетті.

25 жастағы қазақстандық Пуэрто-Риколық 32 жастағы Луис Эрнандеспен қолғап түйістірген. "Hollywood Fight Nights" шоуының аясында өткен аталмыш кездесу 8 раундқа жоспарланып, төрешілердің шешімі бойынша Нұрсұлтановтың жеңісімен аяқталды.

Сондай-ақ, аталмыш бокс кешінде бақ сынаған тағы бір қазақстандық Әли Ахмедов 37 жастағы америкалық Майк Гаймен қолғап түйістіріп, жеңіске жетті. Бұл Ахмедовтың 14-ші жеңісі.