Пхенчхан-2018. Шаңғы жарысы бойынша 15 шақырым қашықтық бойынша еркін жүріп өту сайысы аяқталды

Шаңғы жарысы бойынша 15 шақырым қашықтық бойынша еркін жүріп өту сайысында Қазақстан құрамасынан Виталий Пухкало, Евгений Величко және Денис Волотка бақ сынады.

Құрама сапынан алғашқы болып сөреден шыққан Пухкало мәре сызығына 36:57.4 уақытта жетіп, 54-ші орыннан көрінді. Ал, екінші шаңғышымыз Евгений Величко жеңімпаздан +3:44.7 уақытқа кешігіп, 61-ші орынға жайғасты. Ал, Денис Волотка болса 15 шақырымды 37:39.8 минутта жүріп өтіп, жалпы есепте 64-ші орыннан көрінді.

Айта кетейік, аталған сайыста алтын медаль швейцариялық спортшы Дарио Колонья еншісінде. Ал, күміс және қола медальға норвегиялық Симен Крюгер мен ресейлік Денис Спицов ие болды.

Сайысты«Qazaqstan» Ұлттық арнасы тікелей эфирде көрсетті.