Олимпиада – 2018. Спортшыларымыз шаңғы жарысы бойынша эстафетада жүлдеге іліге алмады

Бүгін Олимпиада ойындарында құрама спортшылары шаңғы жарысының эстафеталық түрі бойынша бақ сынады.

4 х 10 км қашықтық бойынша сынға түскен Алексей Полторанин, Евгений Величко, Виталий Пухкало, Денис Волотка жалпы есепте 8-орынға тұрақтады. Құрама спортшылары сайыс жеңімпаздары Норвегия құрамасынан мәре сызығына +3:31.4 минут уақытқа кеш келді. Жүлдегерлер сапына Ресей Олимпиадалық спортшылары және Франция елінің спортшылары енді.