Пхенчхан-2018. Конькимен жарысуда отандастарымыз үздіктер қатарынан көріне алмады
Бүгін төртжылдықтың басты додасы аясында ерлер арасындағы 500 м қашықтықта конькимен жарысу сайыстары аяқталды. Аталған сында құрама сапынан Роман Креч, Артем Крикунов, Станислав Палкин бақ таластырды. Тәжірибелі отандасымыз Роман Кречбелгіленген қашықтықты 35.92 секундта жүріп өтіп, 35-орынға тұрақтады. Артем Крикунов 25-ші (35.34), Сатнислав Палкин 24-ші(35.33) орынды қанағат тұтты. Жарыс жеңімпазы болып норвегиялық Ховард Лоренссон танылды. Күміс және қола медаль оңтүстік кореялық Ча Мин Кю мен қытайлық Тинь Гю Гаоның еншісінде.
