FIFA-2018 21-ші Әлем біріншілігінің алғашқы матчы Ресей құрамасының жеңісімен аяқталды
FIFA-2018 21-ші Әлем біріншілігінің алғашқы матчы аяқталды. Турнир қожайындары Ресей құрамасы Мәскеудің «Лужники» стадионында Сауд Арабиясының футболшыларын қабылдаған болатын.
Ойынның бас төрешісі аргентиналық Нестор Питана ысқырығы шалынған сәттен бастап ресейлік ойыншылар өткір шабуылға көшті. Ойынның 12 минутында ресейліктер Юрий Газинскийдің көмегімен есепте алға шықты. Ал бірінші тайм аяқталар тұста жарақат алған Алан Дзагоевтың орнын басқан Денис Черышев есепті еселей түсті. Екінші таймда ресейліктер Артем Дзюба мен Денис Черышевтың көмегімен тағыда екі гол соғып, ойын тағдырын шешті. Ойынның соңғы минутында Александр Головин бесінші голды салып Сауд Арабиясының құрамасын тас-талқан етті.
Қорытынды есеп 5:0 Ресей құрамасының пайдасына.
Голдар: Юрий Газинский 12; Денис Черышев 43, 90+1; Артем Дзюба 71; Александр Головин 90+3.
Станислав Черчесов бастаған ресейліктер келісі ойынын 25 маусым күні Уругвай құрамасына қарсы өткізсе, Сауд Арабиясы Египет құрамасымен ойнайтын болады.
«QAZAQSTAN TV» мобильді қосымшасы
