Египет пен Уругвай арасындағы матчты «QAZSPORT» арнасы тікелей көрсетеді
Әлем біріншілігінің екінші күнгі ойындары Египет және Уругвай құрамалары арасындағы матчпен басталады.
Қос құрама футбол тарихында жалғыз мәрте кездескен. 2006 жылғы жолдастық кездесу барысында уругвайлықтар мысырлық футболшыларды 2:0 есебімен ұтқан болаты.
Жалпы, Египет құрамасы өз тарихында мундиальға үшінші рет қатысып отыр. Алғаш рет 1934 жылғы Мексикада өткен доп додасында бақ сынаған. Кейін 1990 және осы Ресей жеріндегі Әлем біріншілігіне жолдама алып отыр.
Ал, мысырлық құраманың қарсыласы Уругвай өзінің бай футбол тарихымен мақтана алады. Ең алғашқы футбол додасы да дәл осы Уругвай жерінде өткен. 1930 және 1950 жылдары Әлемнің үздік құрамасы атанған. Сондай-ақ, үш мәрте үздік төрттіктен көрінген.
Қос құрама арасындағы тартысты бәсекені бүгін сағат 17:50-де «QAZSPORT» арнасынан тамашалай аласыздар.
FIFA-2018. Бүгін Марокко – Иран құрамалары кездеседі
Марокко – Иран. Бұл матч қос команда үшін де маңызды болмақ. Себебі, бұл топта азулы Испания және Португалия құрамалары бар.
Марокколықтар 20 жылдан кейін мундиальға қайта оралды. Футбол тарихында ақтық сынға бесінші рет шығып отырған Эрве Ренар шәкірттері іріктеу сынында нағыз сенсация жасаған командалардың бірі болды.
Ал, Карлуш Кейруш баптайтын Иран құрамасы Ресейдегі біріншілікке алғашқылардың бірі болып өтті. Азия құрлығындағы іріктеу сынында өз топтарында қарсылас шақ келтірмеді. Бұл Әлем чемпионаты ирандықтар үшін де тарихындағы бесінші мундиаль. 2014 жылы Бразилияда өткен турнирде ирандықтар топтан шыға алмаған еді.
Аталған ойынды бүгін сағат 20:50-де «Qazaqstan» Ұлттық телеарнасынан тікелей эфирде тамашалай аласыздар.
FIFA-2018. Португалия – Испания ойыны мундиальдың топтық кезеңіндегі ең маңызды матч
Осы мундиальдың топтық кезеңіндегі ең маңызды матч. Құрамында Еуропаның беделді клубтарында өнер көрсететін жұлдыздарға толы қос құрама сарапшылардың айтуы бойынша, «В» тобының алғашқы орындарын сарапқа салмақ. Осы ойында кім жеңіске жетсе, төрттіткен сол бірінші орынмен шығуы тиіс.
Португалия құрамасы қарсыластары секілді Әлем чемпионы атағымен мақтана алмайды. Бірақ, бұл команданың «айды аспаннан шығару» қабілеті барын айта кеткен жөн. Оған мысал, 2016 жылғы Еуропа чемпионатында топ жаруы. Бүгінде сол чемпион команданың құрамы өзгермеген. Криштиану Роналду бастаған португалдықтар тек жүлде үшін келгенін жасырмайды.
2010 жылғы Әлем чемпионы Испания құрамасы мундиальдың басталуына екі күн қалғанда бас бапкері Хулен Лопотегидің орнын босатты. Қазіргі таңда команда тізгінін әйгілі испандық қорғаушы Френандо Йерро ұстаған. Мамандардың айтуы бойынша құрама ішінде қазіргі таңдағы атмосфера бұзылған болуы тиіс. Бас бапкердің орнынан кетуі ойыншылардың көңіл-күйіне әсер етуі әбден мүмкін.
Тартысты бәсекені бүгін сағат 23:50-де «Qazaqstan» Ұлттық телеарнасының тікелей эфирінен көре аласыздар
«QAZAQSTAN TV» мобильді қосымшасы
