FIFA-2018. Дания құрамасы плей-офф кезеңінен үмітті

«С» тобының алғашқы турында Дания құрамасы перулік қарсыластарын жеңіп, Франция құрамасымен бірге көш бастады.

Ойынның алғашқы бөлігінде оңтүстікамерикалық футболшылар қарсыластарынан бір саты жоғары ойнаған еді. Тіпті шабулдары да өтімді болды. Каспер Шмейхельдің шеберлігінің арқасында дат ойыншылары өз қақпасын голдан сақтап отырды. Бірақ, ойынның 44-минутында бас төреше Дания құрамасына қарсы 11 метрлік айып соққысын беліледі. Дегенмен, перулік ойыншы Кристиан Куэва керемет мүмкіндікті пайдалана алмай, допты қақпадан жоғары асырып жіберді.

Ал екінші таймда Аге Харейде баптаған ойыншылар ойынды өз пайдаларына қарай бұрды. 59-шы минутта Кристиан Эриксеннен пас алған Поульсен есеп ашып, командасын алға шығарды. Перулік футболшылар ойын соңына дейін қанша шабуыл жасағанымен, нәтижесіз болды. Есеп 1:0. Дания құрамасы топтағы айқын фаворит француздарға жетіп, көш бастап тұр.

Қорытынды есеп: Перу – Дания 0:1

Голдар: Ю. Поульсен 59

Ойындар кестесін жүктеу      
Соңғы жаңалықтар
LIVELIVE LIVE
«QAZAQSTAN TV» мобильді қосымшасы
AppStore
Play Market