Бауыржан Исламхан әлемнің ең қымбат еркін агенттерінің тізіміне енді

Әйгілі Transfermarket порталы әлемнің ең қымбат еркін агенттерінің тізімін жариялады. Алғашқы ондыққа Бен Арфа, Николас Гайтан, Вильфрид Бони, Секу Саного сынды ойыншылармен бірге қазақстандық Бауыржан Исламхан да кірді. Мамандар Ұлттық құраманың капитанын 3 миллион еуроға бағалаған.

Бұл тізімде бағасы миллион еуродан жоғары тағы үш қазақстандық ойыншы бар. Роман Мурзатаев (2,5 млн), Виктор Дмитренко (1,2 млн) және Бауыржан Тұрысбек (1 млн) те клубсыз жүрген қымбат ойыншылардың қатарына қосылған.

Бауыржан Исламханды польшалық және ресейлік клубтармен байланыстырады. Әзірге отандасымыз "Қайратпен" бірге жаттығуда. 26 жастағы талантты футболшыны қай командадан көргіңіз келеді?