Универсиада-2013. Қазақстандық хоккейшілер Канаданы ұтты

Италияның Трентино қаласында өтіп жатқан қысқы Универсиадада хоккейден Қазақстан құрамасы Канаданы 4:2 есебімен ұтып, сенсация жасады.

Қазақстандықтар сапынан Леонид Метальников, Никита Ковзалов және екі рет  Евгений Рымарев мергендік танытты. Ал канадалықтардан  Тайлер Джеймс Кэрролл мен Симон Лакро көзге түсті.

Қазақстан құрамасы «С» тобындағы кездеулердің барлығында жеңіске жетіп, топтан бірінші орынды иеленді. 6 ұпай жинаған Канада плей-оффқа екінші орынмен шықты.

Естеріңізге сала кетейік, жерлестеріміз бірінші ойында Украинаны 4:2 есебімен, екінші кездесуде Жапонияны 3:1 есебімен жеңген еді.

Фото:  universiadetrentino.org