Euro-2021: «QAZSPORT» телеарнасы Қазақстан U-21 — Солтүстік Македония U-21  кездесуін тікелей эфирде көрсетеді

Бүгін Қазақстан құрамасы 21 жасқа дейінгі жастар арасындағы Еуропа чемпионатының іріктеу кезеңі аясындағы сегізінші ойынын өткізеді.

Алматыдағы Орталық стадионда жерлестеріміз Солтүстік Македония құрамасын қабылдайды.

Кездесу Нұр-Сұлтан уақытымен сағат 17.00-де басталады.

Қазақстан мен Солтүстік Македония құрамалары 10 ұпайдан жинап өз тобында екінші-үшінші орындарды бөлісіп тұр.

Бірақ, қарсылас бір ойын кем өткізген. Ал көш басындағы Испанияның қоржынында 16 ұпай бар.