Әлем чемпионатында Қазақстан хоккейшілері Ресей құрамасына есе жіберді

Хоккейден Минскіде өтіп жатқан Әлем чемпионатында Қазақстан құрамасы осы біріншіліктегі төртінші кездесуін Ресей құрамасымен өткізді. Өкінішке қарай бұл жолы да қазақстандық хоккейшілердің жолы болмады. 2-7 есебімен ресейліктерге жол берді. Ресей қақпасына соғылған екі шайбаның авторлары - Михаил Паньшин мен Андрей Спиридонов. Естеріңізге сала кетейік, Қазақстан құрамасы бұған дейін 3 кездесуде жеңіліс тауып, «B» тобында бір ұпаймен соңғы орында қалды. Ресей құрамасы үш кездесу өткізіп, Швейцария, Финляндия және АҚШ құрамаларынан басым түсті. Ойынды «KAZsport» телеарнасы тікелей эфирде көрсетті. Келесі ойынды Қазақстан құрамасы 16-шы мамыр күні АҚШ құрамасына қарсы өткізеді.