ХХХІІ Жазғы Олимпиада ойындарының ашылу салтанаты тікелей эфирде

ХХХІІ Жазғы Олимпиада ойындарының ашылу салтанатын «Qazaqstan», «Qazsport», «Хабар» телеарналары тікелей эфирде көрсетеді.

Олимпиада ойындарының ашылу салтанаты Нұр-Сұлтан қаласының уақытымен 16:50-де басталады.

Қазақстан Республикасының Мемлекеттік Туын боксшылардың капитаны Қамшыбек Қоңқабаев пен жеңіл атлетикадан Олимпиада чемпионы Ольга Рыпакова алып шығады.

Ұлттық Олимпиада Коммитеттерінен келген делегациялардың шеруі 17:30-ға жоспарланған.  Шеруді Грекия құрамасы бастап, Жапония құрамасы аяқтайды. Шараға 205 мемлекеттен келген спортшылар қатысады.