ВОЛЕЙБОЛДАН ҚР СУПЕРКУБОГЫ ПЕТРОПАВЛДА ӨТЕДІ

«Қазақстан Волейбол Федерациясы» ҚБ Президиумының шешімі бойынша және федерация президенті Абыкаев Н.А. басшылығымен әйелдер арасында Қазақстан Республикасының Суперкубогы 18 қараша күні 16:00 де Петропавл қаласында өтеді. Суперкубок Шығыс Қазақстан облысының «Алтай» және Алматы облысының «Жетісу» командалары арасында ҚР чемпионатының бірінші туры аясында сарапқа салынады.

Матч қосымша статусқа ие.

Естеріңізге сала кетейік, Волейболдан ҚР Суперкубогы жоспар бойынша 29 қазан күні өту керек еді. Алайда «Жетісу» командасының ойыншысы COVID-19 жұқтыруына байланысты кейінге шегерілген.