«СОЧИ» - «БАРЫС» «QAZSPORT» ТЕЛЕАРНАСЫНЫҢ ЭФИРІНДЕ

Құрлықтық хоккей лигасы аз уақыт үзілістен кейін қайта оралды. Бүгін Сочи қаласында жергілікті  «Сочи» хоккей клубы  «Большой» спорт кешенінде елордалық  «Барысты» қабылдайды.

Екі команданың арасындағы соңғы бес ойында қазақстандық клуб үш мәрте жеңіске жеткен. Батыс конференциясының турнирлік кестесінде ресейлік клуб он бірінші орында болса, қазақстандық клуб Шығыс конференциясында оныншы орында келеді.  «Cочи» соңғы ойынын Нижний Новгород қаласында өткізіп,  «Торпедо» хоккей клубына 5:1 есебімен есе жіберсе,  «Барыс» овертайм кезінде  «Трактор» хоккей клубына 5:6 есебімен қосымша уақытта жеңіліп қалды.

Ойын бүгін сағат 22:20-да  «Qazsport» телеарнасының тікелей эфирінде көрсетіледі.