«Барыс» клубы кезекті оқу-жаттығу жиынын Швейцарияда өткізеді

Шайбалы хоккейден жаңа маусымға дайындалып жатқан «Барыс» клубы кезекті оқу-жаттығу жиынын Швейцарияда өткізеді. Астана клубының ресми сайты бүгін шет елге ұшатын хоккейшілерінің тізімін жариялады, деп хабарлайды Tengrinews.kz. Тізімде «Барыстың» бесаспап шабуылшыларының бірі, канадалық легионеріміз Найджел Доус жоқ. Бұған жанкүйерлер алаңдаушылық білдіріп те жатыр. Бейресми мәліметтерге сүйенсек, Доус әлі келмеген. Команда сапына жақын арада келіп қосылуы керек.