Елена Рыбакина WTA рейтингінде жоғарылады

Қазақстандық теннисші Елена Рыбакина Әйелдер теннисі қауымдастығының жаңартылған рейтингңнде бір сатыға жоғарылады. Дәл Қазір еліміздің бірінші ракеткасы әлемдік рейтингте 13 орында. Жақында аяқталған Аделаида қаласындағы WTA 500 турнирінде отандасымыз финалға дейін барып, әлемдік рейтингтің көшбасшысы Эшли Бартиге екі сеттің қорытындысы бойынша 3:6, 2:6 есебімен есе жіберген. Әлемдік рейтингтің көш басында Эшли Барти (Аустралия) 8051 ұпай, екінші орында Арина Соболенко (Беларусь) 6351 ұпай, үздік үштікті Гарбинье Мугуруса (Испания) 5635 ұпаймен түйіндеп тұр. 

Елена енді Сиднейдегі WTA турниріне қатысуды жоспарлап отыр.