Әлібек Қасым «Ақтөбе» ойыншысы атанды

«Ақтөбе» футбол клубы жаңа ойыншыларды қатарына қосуды жалғастыруда. Бұл жолы былтырғы маусымда «Қызыл-Жар СК» командасында ойнаған Әлібек Қасым клубтың жаңа ойыншысы атанды.

Петропавл қаласының ұжымында 2019 жылдан бері ойнайты қорғаушы барлығы 57 ойын өткізіп, 10 голдың авторы атанды. Өткен маусымда 8 гол соғып, Қазақстан чемпионатының үздік ойыншыларының бірі болды, Сонымен қатар Тәжікстанмен болған жолдастық кездесуде ұлттық құрама үшін дебюттік ойыные өткізген.