Бокстан Әлем чемпионы мемлекеттік жаттықтырушы болды

Мерей Ақшалов мемлекеттік деңгейдегі жаттықтырушы атанды. Бұл жайлы ҚР мәдениет және спорт министрі Дәурен Абаев өзінің Facebook парақшасында жариялады.

«Өткен аптада танымал боксшы Мерей Ақшалов бокстан ҚР мемлекеттік жаттықтырушысы болып тағайындалды. Абыройлы қызметте табыс тілеймін! Еліміз үшін және әр қазақстандық үшін бокстың орны бөлек. Сол үшін әрдайым әлемдік бокс бәсекесінің алдыңғы сапында болуымыз керек», деді минстр.

Естеріңізге сала кетейік, Мерей Ақшалов ҚР Еңбек сіңірген спорт шебері. 2008 жылғы Бейжің Олимппиадасының қатысушысы. «Astana Arlans» командасының сапында Бүкіләлемдік бокс сериясының (WSB) 2011 жылғы күміс жүлдегері. 2013 жылғы Әлем және Азия чемпионы. 2013 жылы Азия құрлығының үздік боксшысы болған.