«Billie Jean King Cup» турнирінің жеребе тарту рәсімі өтті.

Бүгін елордада «Billie Jean King Cup» турнирінің аясында өтетін Қазақстан - Германия ойынының жеребе тарту рәсімі өтті.

15 сәуір күні Нұр-Сұлтан қаласындағы арнайы грунт төсенішінде бірінші болып Юлия Путинцева мен Анжелик Кербер шығады. Алғашқы ойын күнінің екінші жұбы Елена Рыбакина және Лаура Зигемунд.

16 сәуірге қос елдің бірінші ракеткалары арасындағы Рыбакина-Кербер және Путинцева-Зигемунд ойыны жоспарланған. Сонымен қатар жұптық сында: Анна Данилина/Ярослава Шведова - Анна-Лена Фридзам/Юле Нимайер ойыны өтеді. Сенбі күнгі ойындар 14:00-де басталады.

Қазақстан-Германия арасындағы іріктеу ойынын «Qazsport» телеарнасынан тікелей эфирде сағат 13:00-де тамашалай аласыздар!