«Billie Jean King Cup» турнирінің жеребе тарту рәсімі өтті

Теннистен әйелдер арасында өтетін «Billie Jean King Cup» турнирінің жеребе тарту рәсімі өтті.

Қазақстан құрамасы С тобында: Испания және Ұлыбритания құрамасына қарсы өнер көрсететін болады. Жарыс 8-13 қараша аралығында Глазго (Шотландия) қаласында басталады.

Айта кетейік, Қазақстан әйелдер құрамасы «Billie Jean King Cup» жарысының топтық кезеңінде алғаш рет ойнайды.

Жеребе  тарту рәсімінің қорытындысы:

А тобы: Швейцария, Канада, Италия

В тобы: Аустралия, Словакия, Бельгия

С тобы: Испания, Қазақстан, Ұлыбритания

D тобы: Чехия, АҚШ, Польша

Әр топтан шыққан төрт жеңімпаз команда жартылай финалға жолдама алады.