Карим Бензема «Алтын Доп» жүлдесінің иегері болды

«Реал Мадрид» және Франция құрамасының шабуылшысы Карим Бензема «Алтын Доп» жүлдесінің иегері болды

Париж қаласында өткен ресми іс-шарада France Football журналының нұсқасы бойынша ең үздік ойыншы атағын жеңіп алған Бензема, бұл атаққа қол жеткізген алтыншы француз футболшысы. 

Каримге жүлдені 1998 жылдың үздік ойыншысы, «Реал Мадрид» командасының бұрынғы бас бапкері Зинедин Зидан табыстады. Сонымен бірге Бензема 1956 жылдан бері «Алтын Допқа» қол жеткізген жасы үлкен ойыншылардың тізіміне қосылды (34 жас) Карим жүлдеге 12-ші мәрте ұсынылғаннан кейін қол жеткізді. Осыған дейін 2021 жылы үміткерлер арасынан төртінші орын алған болатын.

Биылғы жылы Бенземаның бәсекелестері ретінде Садио Мане, Кевин Де Брейне және Роберт Левандовский. Ал былтырғы жылғы үздік ойыншы болған «ПСЖ» ойыншысы Лионель Месси үміткерлер тізіміне іліге алмады. 

 Сонымен қатар, кеште басқа да жүлделер табысталды:

Раймон Копа атындағы сыйлық (Ең жас ойыншы) - Гави (Барселона)

Герд Мюллер атындағы сыйлық (Ең үздік сұрмерген) - Роберт Левандовский (Барселона)

Лев Яшин атындағы сыйлық (Ең үздік қақпашы) - Тибо Куртуа (Реал Мадрид)

Ең үздік клуб - Манчестер Сити (Англия)

Әйелдер арасындағы «Алтын Доп» жүлдесінің иесі - Алексия Путельяс (Барселона)