Мырзағали Айтжанов – Қазақстан ерлер құрамасының бас бапкері атанды
Бұл қызметте ол команда басшысы қызметінен өз еркімен кеткен Қайрат Сәтжановты алмастырды.
Қайрат Сәтжанов 2019 жылы Қазақстан жастар құрамасының бас бапкері болып тағайындалды. Екі жыл ішінде ұлттық құрама боксшылары Азия чемпионатында екі мәрте командалық есепте топ жарып, әлем чемпионатында екінші орынға ие болды.
Мырзағали Құланұлы Қазақстан ерлер құрамасын 2009 - 2018 жылдар арылығында баптаған болатын.
Айта кетейік, Мырзағали Айтжанов - Олимпиада ойындарының қола жүлдегері, әлем чемпионы Сәкен Бибосыновтың жеке жаттықтырушысы болып табылады. Сонымен қатар, ұлттық құрама боксшысы Сағындық Тоғамбай да Мырзағали Айтжановтың қол астында жаттығады.
Айтжанов Мырзағали Құланұлы – Халықаралық дәрежедегі спорт шебері, Қазақстанның еңбек сіңірген жаттықтырушысы. 1988 жылы КСРО құрамасымен жасөспірімдер арасындағы Еуропа чемпионатында жеңіске жетті.
