Құрлықтық хоккей лигасының плей-офф кезеңінің екінші матчында «Барыс» «Авангард» клубын жеңді

Астаналық «Барыс» хоккей клубы Құрлықтық хоккей лигасының плей-офф кезеңінде омсктың «Авангард» клубымен сырт алаңда кездесіп, екінші ойында жеңіске жетті. Сырт алаңдағы бірінші кездесуде «Авангард» клубы 5:2 есебімен «Барысты» ұтқан болатын. Ал, қарымта екінші мачта «Барыс» 2:0 есебімен жеңіске жетті. Осылайша «Барыс» хоккей клубы сырт алаңнан тең нәтижемен оралды. Енді, «Барыс» клубы өз алаңында «Авангард» клубын қабылдайды. Кездесулер 3-4 наурыз күндері Астана қаласында өтеді.