Пара дзюдодан әлемдік Гран-приде қазақстандықтар үш жүлдеге ие болды

Португалияда өткен әлемдік Гран-приде қазақстандықпара дзюдошылар екі алтын және бір қола медаль жеңіп алды.

Токиода өткен Паралимпиада ойындарының күміс жүлдегері Ануар Сариев (J2) 60кг салмақта финалдық белдесуде грузиялық балуанды жеңіп, алтын медальға ие болды.

Екінші алтынды (J2) 73 келіге дейінгі салмақ дәрежесінде сынға түскен Олжас Оразалыұлы еншіледі. Финалдық белдесуде  әйгілі француз палуаны Петит Натханды таза жеңді

(J2)+90 келі салмақта өнер көрсеткен Ерлан Конкиев қола жүлдеге қол жеткізді.

Айта кетейік, пара дзюдодан әлемдік Гран-при Алмада (Португалия) қаласында 30-31 қаңтар аралығында өткен. Жарысқа 22 мемлекеттен 91 спортшы қатысты.