Бүгін «Барыс» пен «Авангард» хоккей клубытары қосымша бесінші кезедсуін өткізеді

Астаналық «Барыс» хоккей клубы Құрлықтық хоккей лигасының плей-офф кезеңіндегі қосымша бесінші кездесуді сырт алаңда бүгін Омбының «Авангард» клубына қарсы шығады. Алғаш, сырт алаңдағы бірінші кездесуде «Авангард» клубы 5:2 есебімен «Барысты» ұтқан болатын. Қарымта екінші мачтта «Барыс» 2:0 есебімен жеңіске жеткен. Ал, Астанадағы үшінші ойында «Барыс» 2:0 есебімен жеңіске жеткен болса, төртінші кездесуде 4:3 есебімен «Авангард» клубы жеңіске жеткен. Сырт алаң мен үй кездесуін қоса есептегенде әзірше есеп 2:0. Енді, жарыс ережесі бойынша жеңімпазды анықтау үшін қос клуб өз алаңында және сырт алаңда тағы бір-бір кезедсу өткізуі керек. Бүгін «Барыс» алғашқы кездесуін сырт алаңда өткізеді. Айта кетейік, ойынды «KAZsport» телеарнасынан сағат 19:20-да тікелей эфирде көре аласыздар. Қарымта кездесу 8-наурыз күні Астанада өтеді.