Игорь Сон үлкен спорттан сегіз жылға шеттетілді

Токио Олимпиадасының қола жүлдегері атанған Игорь Сон 8 жылға спорттан шеттетілді

Қазақстанның ұлттық антидопинг орталығы 2022 жылы жарыстан шеттетілген спортшылар тізімін жариялады. Бұл тізімде ауыр атлет Игорь Сон бар. Антидопинг орталығының мәліметіне қарағанда, Игорьдан жарыстан тыс кезде, яғни 2022 жылдың 2 наурызында сынама алынған. Сынаманы талдау барысында спортшының ағзасынан метастерон (рұқсат етілмеген преппарат) табылған.

Осыған байланысты антидопинг ережесін бұзған спортшы 2022 жылдың 28 наурызынан бастап, 2030 жылдың 28 наурызына дейін жарыстарға қатыса алмайды.